返工返了一個星期多
感想只有一個-悶!!
每天也很努力的找東找西
總之就想找些東東幹
可能很多人會覺得很爽
不過被上司看到我無所事事可是不太好啊!
社署呀社署
你可以快點寄case過來嗎?
遲開工的話我可是要開OT趕case呀
我可不想每天聽上司講解我的工作呀@_@
一直以來,我對某個人講ge說話特別著緊
我一直想做到令佢無辦法有野話到我
一句講晒,我想贏佢
但係,依家我發現原來人ge慾望真係無止境
unlimited wants,講得一d都無錯
我發現我一直滿足呢個人無止境ge慾望
去到依家,我發現我已經無辦法再滿足佢,我好累啦
我盡力咁去做,佢都係覺得我做得唔夠多、唔夠好
佢不停咁指責我做唔到,反而唔覺得佢自己d要求太過份
突然間覺得,我做咩要為左佢搞到自己咁辛苦
佢可能會繼續指責我,
我但求自己有盡力做過,問心無愧就算啦
滿唔滿足到佢,呢樣野唔到我控制
可能好難做到,但我要學習過濾佢d說話,唔好太在意
唔好再俾佢一時一樣ge說話影響到自己ge情緒
相信自己ge選擇,自己想點做就點做
我做到ga!!!!
返左黎香港都十日有多啦
每一日做ge野就係坐o係部腦前面
不停咁搵呀搵,努力咁搵工啦
不過情況好似唔係咁好
可能我搵左只係一個星期多d,唔算好耐啦
send左十幾封信一個回音都無
有少少灰ga
不過...d朋友同我講
人地d公司請人唔心急,講明一兩個人內先有回音
留意,係一兩個月內
我唔想成個廢人咁o係屋企一兩個月呀
不過我都明白搵工係唔到自己心急
自己想做返ge本行只係想搵社工而唔搵輔導
會叫我interview ge機會可以話唔會好高lor
始終我唔係讀社工,無辦法
突然有種感覺...我讀輔導係咪注家我o係香港係搵唔到食ga
好似讀完4年大學出黎都係廢廢地ge感覺
有種前路汒汒ge感覺呀
要開始搵其他類型ge工啦
另外,覺得屋企情況好搞笑
面對相同情況時,
我媽竟然可以一時一樣
一陣話唔得,一陣佢又話ok wor
咁即係點呀?
好煩wor
最慘係夜晚同佢傾計
佢第可以二朝唔知道夜晚佢有同我傾計
仲要話返我轉頭叫我可以唔同佢傾計
大佬,依家係你老佛爺扯住我要我同你傾
同你傾完之後你第二日仲要話我返我轉頭
你無病呀?
都唔知佢究竟發生咩事
我淨係知佢d記憶力差到得人驚
唔係提早老人痴呆呀?
今次遇到的問題,可能是我有生以來最煩惱的問題
對我而言可說是決定我將來的問題
老實說,這個想法雖說是不太堅定,但我曾經十分嚮往
看起來十分衝動,不過最後我用了很長的時間想通了
今天上課的時候卻被某a君(hoar,你知道是誰的)不停責備
真的很委屈......
我只是想做自己想做的事,不要把我說成自私的人,亦不要把我的狀況誇張化
雖然她字裡行間不是責備我,不過我聽得出她的語氣......覺得我沒有為其他人想過
最後忍不住哭出來了
如果我沒有為他們想過,我早已實行這個計劃了,哪需這樣煩惱的
我的朋友從沒有一個這樣子對我說話,我根本不知她是為我好還是要我強迫接受她的想法
總之,今天就是崩潰的一天
後來去了見老師,順便也向她提到我的問題
結果令我如夢初醒,只少,我知道現在要做甚麼
之前一直很混亂的大腦也開始運作了
見到這個老師後令我更憧憬這份工作
而且我更得出一個結論,就是不會再各a君說任何關於我將來決定的事!!!!!!!
最後,我要在此感謝今天聽我的煩惱的同學,雖然我知道他們看不到,不過真的很感激他們
妖!!!
實習卑人鬧我預左
但係我無預計到實習會卑人打lor
你咩事呀
知你本身智力有問題
但係唔代表你心情唔好就發神經?!
打完我之後仲要一句「對唔住,我控制唔住自己d情緒」
咁即係你條省港澳蛋散王知道打人係錯ga la!!!
你應該慶幸我o個下仲有理性
如果唔係我一定同你隻抽
下次我打Q完你之後都同你講返聲我控制唔到我對你ge怒氣呀
得唔得??
最好笑係最後有風紀叫條蛋散王起身
佢好驚咁話「唔好拉我坐監呀」死未??
同hoar講呢件事
佢話「你冷靜d啦,你咁樣點做姑娘呀」
我「咁如果你係我你會點呀?」估死佢應該都唔會輕易放過條蛋散
佢話「......佢應該會o係急症室lor」即係話hoar潛藏ge暴力因子會爆發啦
我「(呆左3秒,爆笑)我鍾意你個答案」
well,基本上我一定唔會放過呢條友ga la
又睇下我會點玩野啦
今日實習的時候遇到非常好笑ge事件
話說,我同某兩位細路女食飯時
佢地又笑我同我partner拍緊拖
我好無奈咁講我有男朋友
佢地兩個不停咁笑話我男朋友係我partner
跟住佢地話有無相睇
我當然立即將我當成神咁拜ge 88手機background相show卑佢地睇啦
細路女a話「嘩,幾好計wor」
我「咩話? 」(當時,我以為佢講佢88某方面ge能力,仲諗緊佢點知88好得|||)
細路女a繼續話「佢幾靚仔wor」
我「(甜笑mode,其實係偷笑+奸笑)ok啦」(咁當然啦,佢係我ge 88wor,一定靚仔ga)
眾「嘩,姑娘佢笑到甜絲絲咁呀!」
另一個細路女b「佢會唔會係玩弄係感情ga?」
我「可能ga(88,原諒我,我知道你唔會咁做ga)所以我都唔認真同佢拍拖ga」
(真心話係,我都好少為88買野,對佢都唔算好認真啦,不過我對佢係真心ga)
點知...下面講ge野先係高潮所在
細路女b「你地有無kiss?」
我「(無奈mode)你估下啦」(真心話係,我都想有,不過仲未有機會)
細路女b「我話有呀」
我「咁咪有lor」
細路女b「咁即係你地有上床啦」(噴茶,原來香港d性教育係咁差ga)
我「(吐血)你知唔知上床要做d咩ga?我唔介意同你地上一堂性教育課」
細路女b「除晒衫lor」
我「仲有呢?」
細路女b「仲有內衣褲」
我「(倒地)跟住呢?」
細路女b「(好自豪咁講)要鍚鍚 lor」
細路女a補充「要o係床度鍚wor」
我「(倒地不起)無啦?」
細路女a+b「無啦」
我「(無氣mode)你地連最關鍵ge步驟都無講......」
細路女a+b「咩步驟呀?」
一直望住我地對話的男同學「交配呀!你地過多幾年就會知要做d咩ga la」
細路女a+b「咩黎ga?」(笑,果然係一無所知ge小妹妹)
我「嗱,呢個故事教訓你地,唔知咁多就唔好學人講啦」(雖則你地令我對88有無限ge幻想)
細路女b「我之前睇色戒佢係咁做ge」
我「(恍然大悟)哦~~~~色戒,呢套野做得唔係咁清楚ga,如果想睇就去睇4仔啦」
結果3個學生一齊當我怪物咁睇,可能覺得我呢個都唔知咩姑娘,竟然教學生睇4仔...
不過,突然覺得佢地真係好可愛,笑死我啦XDDDDDD
